Las primièras vaccinacions contra la malautiá covid-19 son estadas fachas sul territòri de l'Union Europèa aqueste dimenge 27 de decembre de 2020.

En itàlia son tres professionals del sector medical que son estats vaccinats al institut Spallanzani de Roma.

En França son de personas annadidas d'un centre dependent de l'Assisténcia publica a Sevran en Illa de França que son estadas vaccinadas.

En espanha las primièras vaccinacions son estadas facha dins un centre per personas retiradas a la residéncia Los Olmos de Guadalajara.

Pertot dins l'Union los Estats organizan la campanha que demanda d'importants mejans al nivèl logistic.

Lo vaccin emplegat es lo de las societats Pfizer e BioNTech que foguèt autorizat lo diluns 21 de decembre de 2020 per l'Agéncia Europèa dels Medicaments (AEM).

Aquelas vaccinacions menan un pauc d'espèr dins la lucha contra l'epidemia de covid-19 que secotís lo mond dempuèi gaireben un an. Marrana que generalizèt lo pòrt de la masqueta dins los espacis publics, que butèt los govèrns a limitar las libertats de circulacion, que constrenguèt las gens a se confinhar e que faguèt al 27 de decembre de 2020 mai de 1,7 milion de mòrts de pel mond.