La societat Johnson & Johnson depausèt al prèp de l'Agéncia Europèa dels Medicaments (EMA) un demanda d'autorizacion per son vaccin contra la Covid-19.
L'EMA comuniquèt sul subjècte lo 16 de febrièr de 2021. La demanda es estada facha per Janssen-Cilag International N.V. la filiale europèa de Johnson & Johnson.
L'organisme se deuriá prononciar al mes de març. Se la responsa es positiva aquò serà lo quatren vaccin autorizat après los de Pfizer/BioNTech, Moderna e AstraZeneca.
Aqueste vaccin presenta dos avantatges suls autres tres : necessita una sola injeccion al luòc de doas, e se pòt servar a de temperaturas compresas entre un gras de 2 e 8 celsius.
Son eficacitat seriá de 66,1 % per las formas moderadas de la malautiá e de mai de 80 % per las formas grèvas. Aquelas chifras concernisson tanben los famoses variants que son apareguts recentament.
Aqueste vaccin es ja administrat en Africa del Sud.