Per l'an 2021 son 600 milions de dòsis que las societats Pfizer e BioNTech liuraràn a l'Union Europèa ; 100 milions de mai que çò qu'èra previst initialament.

La comanda es estada facha per las autoritats europèas e lo fabricant se diguèt, lo 19 d'abril, en capaciat de fornir aquelas dòsis sus l'annada.

Pfizer associat a BioNTech es de luènh lo primièr fornissor de l'Union. Contrariament a AstraZenaca posquèt tenir lo calendièr de liurason previst de son vaccin contra la covid-19, lo Comirnaty.

Aquelas dòsis suplementàrias seràn produchas en Euròpa.