Las autoritats estatsunidencas an anónciat lo dimècres 18 d'agost de 2021 qu'una tresena injeccion de vaccin contra la covid-19 seriá possibla tre lo 20 de setembre.

Aquela injeccion serà possible per totas las personas avent acabat lo cicle de vaccinacion dempuèi mai de uèch meses amb de vaccins a ARN messatgièr : Pfizer/BioNTech e Moderna.

Entrò ara sonque los imunodeprimats se podián far vaccinar tres còp.

Aquela decision es estada presa en foncion de donadas que permetan de melhor evaluar l'eficacitat dels vaccins dins lo temps. Sens suspresa aquesta merma qualques meses après la darrièra injeccion e justifica aqueles rapèls.

Israèl propausa ja aquelas injeccions a sos ciutadans. França prevei al mes de setembre de debutar aquelas tresenas injeccions.