Après las eleccions que se debanèran en Corsega lo 3 de decembre de 2017 lo Partit de la Nacion Occitana comunica :
L’unitat de las fòrças nacionalistas còrsas a pagat
La tièra de la coalicion nacionalista còrsa Pè a Corsica (Per Corsega) regropant los autonomistas e los independentistas es arribada largament davant dimenge 3 de decembre de 2017 amb mai de 45 del 100 de las voses per la primièra votacion de las eleccions territorialas en Corsega. Aquestas eleccions devon far espelir una collectivitat unica per la fusion de la Collectivitat Territoriala Corsega, anciana region, amb los dos departaments.
Amb los 6,50 del 100 de la tièra Core in fronte ! del partit independentista U Rinnovu, partidari d’una linha mai « dura », los nacionalistas còrses son majoritaris en sufragis.
La coalicion nacionalista que remportèt una victòria istorica per las darrièras eleccions territorialas de 2015, confirmada per las legislativas de junh de 2017 perseguís la siá progression.
Lo Partit de la Nacion Occitana espèra qu’aquestas resultas se confirmaràn per la segonda votacion e permetràn als autonomistas e independentistas d’obrar per lor projècte comun e de recampar lo pòble de Corsega a l’entorn d’aquel d’aquí.
Comunicat del 04/12/2017