Lo 28 e 29 de novembre de 2019 se debanèran a l'Ostal de Region a Tolosa las jornadas regionalas amb per tema : lenga e cultura occitanas al servici del desvolopament dels territòris.
Aquel eveniment organizat en partenariat amb la Region Occitània, lo Congrès permanent de la lenga occitana, lo CIRDÒC e l’Ofici public de la lenga occitana, se concentrèt essencialament sus los enjòcs ligats a la toponimia e a lors presas en consideracion per las administracions.
Lo dijòus 28 de novembre en preséncia Gilbert Mercadier (president del Congrès permanent de la langa occitana) e de Patric Roux (conselhièr régional delegat a la lenga e a la cultura occitana e president del CIRDÒC) èra organizat un primièr seminari sul subjècte.
La discucion portèt suls biaises :
- de restaurar la toponimia autentica amb per objectiu de tornar trobar lo sens e l’esperit dels luòcs ;
- de metre en valor lo païsatge lingüistic.
Los intervenents an poscut discutir dels enjòcs ligats a aquel tipe de de politica e partajar lor experiéncias.
A 18h30 foguèt signada la convencion entre Lo Congrès permanent de la lenga occitana e l’Institut nacional de l’informacion geografica e forestièra en preséncia de Carole Delga (anciana ministra, presidenta de la Region Occitània).
Lo divendre 29 de novembre se voliá una jornada d’escambi e d’informacion a destinacion de las collectivitats, de las entrepresas e de las associacions interessadas per l’integracion dels elements lingüistics e culturals regionals dins lor senhaletica, lors ofèrtas e lor comunicacion.
Quatre tema foguèran abordats :
- L’actiu lingüistic e cultural d’un territòri : un tresaur sosexplechat ?
- Las entrepresas que fan la causida de la lenga del territòri.
- Restaurar, entreténer, valorizar son païsatge lingüistic.
- Lo toponimista al servici de las collectivitats, retorns d’experiéncia.