A l'escasença de Torn de França lo PNO (Partit de la Nacion Occitana) assajèt de rendre l'accion occitanista visibla sus las estradas. Aicí çai-jos lor comunicat publicat lo 11 de setembre de 2020. La traduccion occitana es de occitanparis.com

Accions del PNO su las estradas occitanas del Torn de França ciclista de 2020

En rason de l'epidemia de covid-19 lo Torn de « França » ciclista de 2020 es estat remandat de dos meses. Las nòus primièras estapas se son debanadas en tèrra occitana.

Ongan de militants occitanistas an decidit de rendre la bandièra nacionala occitana visibla e indefugibla per las camèras de television que tornan transmetre l'espròva en dirècte.

Lo Partit de la Nacion Occitana a coordonadas doas jornadas d'accions a l'occasion de la 7ena estapa Milhau-Lavaur e de la 8ena estapa del torn, entre Cazèras e Lodenvièla.

La causida de Cazèras-Lodenvièla es estada facha per de rasons simbolicas.

Aquela estapa passava a costat del Val d'Aran, un territòri fòrça important o la dignitat de nòstre país es respectada. L'estapa passava tanben per Ròcafòrt sus Garona, lo vilatge d'origina de Francés Fontan, lo fondator del PNO.

Lo Partit de la Nacion Occitana considèra qu'es indispensable d'afortir una preséncia visuala clara de l'identitat nacionala occitana amb la bandièra.

Èsser present e visible pertot sus la partida occitana del Torn dich de França es una faiçon de contrafar lo suprematisme esportiu francés.

Aquò's un biais de luchar conta lo quasi monopòli de las bandièras francesas suls bòrds de las estradas.

Lo PNO, setembre de 2020