En setembre de 2020 l'institut de sondatge J.L. Partners efectuèt pel mèdia Politico una enquèsta al prèp dels escoceses per saupre quina èra lor posicion rapòrt a l'independéncia.

Los resultats son estats publicats al mes d'octobre : 56 % de las personas interrogadas se son declaradas en favor de l'independéncia, 44 % contra.

Los analistas considèran que l'una de las rasons principalas d'aquela orientacion es la politica de l'actual govèrnament.

Aqueste capdelat per Boris Johnson, considèra que la question de l'independéncia d'Escòcia se pausa pas. Pel primièr ministre britanic la question es estada reglada en 2014 après lo darrièr referendum sul subjècte e considèra qu'una novèla consultacion es pas necessària.

Pr'aquò, la decision presa en 2016 pels britanics de quitar l'Union Europèa cambièt la dona e pesa dins l'opinion dels escoceses que èran majoritariament favorables al manten d'Escòcia dins l'Union.