La Collectivitat Europèa d'Alsàcia (CEA) es intrada en foncion lo primièr de genièr de 2021.
Aquesta nòva entitat que compta 1,9 milion d'estajants fusiona los dos ancians departaments diches Bas-Rhin e Haut-Rhin. Es pas un conselh general, ni un conselh regional e demòra dins la region Grand Est.
Possedís las competéncias dels conselhs generals, coma la gestion dels collègis, las ajudas socialas e als seniòrs, mas n'aurà d'autras, especificas :
- al nivèl de la cooperacion transfrontalièra amb Allemanha e Soïssa ;
- en matèria de bilingüisme ;
- coordonarà la politica toristica ;
- aurà la responsabilitat de las rotas departamentalas, nacionalas e de las autostradas.
Lo sieu budgèt serà de 2 miliard d'èuros. Lo sieu president es Frédéric Bierry.