Lo dijòus 8 d'abril de 2021 l'assemblada nacionala francesa adoptèt lo projècte de lei de Paul Molac.

L'Assemblada restabliguèt l'article sul forfach per las escòlas associativas bilingüas. Aqueste article, dins l'encastre de la votacion del projècte de lei èra estat retirat a la fin del mes de març.

Es tanben estat votada la possibilitat per las escòlas publica que pratican l'ensenhament immersiu de far mai que de paritat orari.

L'istòria de la proposcion de lei del deputat breton Paul Molac es ja longa.

Foguèt depausada lo 30 de decembre de 2019 amb per nom : Proposicion de lei relativa a la proteccion patrimoniala de las lengas regionalas e a lor promocion.

L'assemblada nacionala aviá escafat lo 14 de febrièr de 2020 dos articles que son estats restablits pel Senat lo 10 de decembre de la meteissa annada. Senat que n'apondèt un tresen.

Las entresenhas relativas a la proposicion de lei son aquí sul site de l'assemblada nacionala.