Lo president francés Emmanuel Macron anoncièt dijòus 29 d'abril de 2021 un desconfinhament progressiu tre lo mes de mai.

Dempuèi lo 26 las escòlas mairalas son tornarmai dubèrta. Lo 3 de mai son los collègis e los licèus que tornaràn dubrir amb qualques constrenchas sul nombre d'escolans en classa. Los desplacament seràn pas pus limitats.

Lo 19 de mai lo cubrifuòc se farà a 21h contra 19h actualament. Los comèrcis, musèus, cinèmas e teatres podran dubrir. Las competicions esportivas se podràn tornarmai organizar en preséncia de public amb de limitacions sul nombre d'espectators. Las terrassas de cafè podràn dubrir.

Lo 9 de junh lo cubrifuòc se farà a 23h. L'accuèlh de toristes se podrà far, mas lo pass sanitari serà necessari. Las salas d'espòrt podràn tornarmai dubrir, las salas dels cafès tanben. Tornarmai de concèrts, mòstras o autras manifestacions publicas se podràn organizar, mas lo nombre de personas serà limitat a 5 000.

Pel 30 de junh se prevei la fin del cubrifuòc e de las divèrsas limitacions. Levat per las discotècas que demoraràn barradas.