Lo ministre francés de la santat anoncièt lo divendres 30 d'abril de 2021 que las possibilitats de vaccinacion contra la covid-19 se dubrissián encara mai.
Son desenant, dempuèi lo primièr de mai, eligiblas totas las personas de mai de 18 ans amb comorbiditats. Son quatre milions de personas que son concernidas. Los factors son entre autres : obesitat, ipertension, diabète, insufiséncia renala o cardiaca, cancèr...
Totas las personas de mai de 55 ans se pòdon ja far vaccinar.
Tre lo 15 de mai, son totas las personas de mai de 50 ans que seràn eligiblas.
Après lo 15 de junh totes los adultes se podràn far vaccinar.
De notar que los vaccins d'AstraZeneca e de Johnson & Jonhson son pas autorizats per las personas de mens de 55 ans, en causa de riscs potencialament grèus de trombòsis. Per eles sonque los vaccins de Pfizer/BioNTech e Moderna son autorizats.