Lo divendres 5 de novembre de 2021 la societat Pfizer anoncièt que sa pilula contra la malautiá de la covid-19 èra eficaça a 89 %.
Los resultats de las experimentacions son pas encara estat publicats. La direccion de Pfizer prevei de los comunicar a l'agéncia federala estatsunidenca en carga dels medicaments, la FDA, abans la fin del mes de novembre per una eventuala mesa en circulacion sul mercat.
Aquel medicament es un antiviral. Aquestes permeton de limitar la capacitat d'un virus de se replicar. Lor administracion es simpla, son de pilulas d'engolar.
Lo nom previst pel medicament es Paxlovid.
Los resultats son estats establit après d'ensages clinics portant sus 1 000 adultes avent contractats la malautiá e que presentavan lo risc de desvolopar una forma grèva. « L'analisi intermediària mostrèt una reduccion de 89 % del risc d'ospitalizacion ligat a la Covid-19 e de mòrt » segon lo comunicat de Pfizer. Los pacients son estats tractats dins los tres jorns après l'aparicion dels simptòmes.
Aquò's lo segond tractament propausat après lo de la societat Merck ja autorizat al Reialme Unit. Al delà de las societats Pfizer e Merck, Roche desvolopa tanben un tractament.