Lo dimècre 2 de març de 2022 Yvan Colonna encarcerat en la preson d'Arles en Provença foguèt grèvament nafrat per un autre prisonièr.

Yvan Colonna èra estat condemat a una pena d'emprisonament a perpetuitat per l'assasinat en 1998 del prefècte Claude Erignac. Sempre neguèt los faches que l'accusacion portava contra el. Contra la volontat d'una majoritat de còrses que desiravan de veire lo presonièr demorar sus l'isla, l'administracion penitenciària l'embarèt sul contient.

En seguida d'aquela agression, rassemblaments, protèstas e riòtas se multipliquèran a la debuta del mes sus l'isla. Lo Front de Liberacion Nacional Còrs (FLNC) menacèt de tornar plene las armas.

Gérald Darmanin ministre francés de l'interior declarèt a l'escasença d'una entrevista amb de jornalistas de Corse-Matin lo 15 de març que lo govèrn « èra prèp a anar fins a l'autonomia ». Los 16 e 17 anèt sus l'isla per assajar d'apasimar la situacion, sosténer las fòrças de l'òrdre e escochar las demandas dels elegits.

Aquela proposicion d'autrejar a Corsega una autonomia intervenguèt en plena campanha electorala per la presidenciala. L'actual president Emmanuel Macron essent candidat.

Yvan Colonna defuntèt lo 21 de març en seguida de l'agression que patiguèt a la debut del mes. Foguèt sebelit en Corsega, lo sieu còrs es estat aculhit amb dolor e emocions per sos compatriòtas.