A la fin del mes de decembre de 2025 lo Centre d'Afrairament Occitano-Catalan (CAÒC) comuniquèt sus son intecion de crear un centre cultural occitan a Barcelona.
Los que pòrtan lo projècte considèran que lo moment es vengut de dotar la vila d'un espaci pròpri, estable e visible, un centre occitan que siá al còp un lòc fisic e lo simbòl de la vivacitat de la lenga, de la cultura e de la comunitat occitanas a Barcelona.
Sa gestion seriá partejada entre lo CAÒC, l’ADÒC (Associacion per la Difusion d’Occitània en Catalonha) e totes las persones e entitats occitanistas desirosas de participar al projècte.
Si vendrián de libres en occitan, de discs, de materials educatius e de produches ligats a la cultura occitana. Podriá tanben reçaupre d'eveniments ligat a la cultura occitana e èsser un punt d'informacion.Las informacions sul projècte son disponiblas sul site del CAÒC.