Lo dimècres 18 de març de 2028 lo president de la Republica francesa desvelèt lo nom del futur pòrtavions francés. Aurà per nom : France libre.
Succedirà tre 2038 al Charle de Gaulle actualament en foncion.
L'anóncia es estada facha a Indret sul site de Naval Group ont una part del pòrtavions serà construch.
Pel president aquel nom associa lo pòrtavions a la volontat de demorar liure. Aquesta volontat « es la de l'independéncia qué que ne còsta, la de l'autonomia d'accion totala e sens constrenchas, la de la projeccion de las nòstras fòrças, aquí ont la defensa dels interèsses de França l'exigisson. »
Lo France Libre costarà 10 miliars d'èuros sus una vintena d'ans. Pesara 80 000 tonas per una longor de 310 mètres. Dos reactors nuclars permetran sa propulsion.
Sonque dos païses de pel mond dispausan de pòrtavions a propulsion nucleara : França e Estats Units.