Dins lo magazine Atout Tarn d'octobre e novembre de 2013 lo conselh general de Tarn comunica :
Lo Conselh general de Tarn ajuda las comunas a se dotar de panèus d’intrada de vila en occitan.
Per fin de valorizar lo patrimòni, lo Conselh general de Tarn a fach saupre a totas las comunas del departament que las anava ajudar a se dotar de panèus d’intrada de vila en occitan. Pendent 3 ans las comunas aprofitaràn un finançament al 80 % per dos panèus. Per las comunas que lo nom en occitan es parelh coma en francés, se metrà un panèu amb la crotz occitana. A mai, las comunas del « Pargue Natural Regional de Lengadòc-Naut » auràn un panèu per plan precisar en occitan lor adesion al Pargue.
Pels Tarneses coma pels visitaires, la senhaletica en lenga d’òc es una clau per comprene lo territòri. Per exemple Monestiés vòl dire monastère en lenga d’òc e Lacaune-les-bains ven de l’occitan la cauna, la cavité. Donar sens al territòri, ne servar la singularitat e n’afortir l’atractivitat en valorizant la cultura occitana : aital es la volontat del Despartament que votèt en junh de 2012 l’« Esquèma despartamental de desvolopament de l’occitan ».