Lo dissabte 27 de septembre de 2014 a Narbona País Nòstre organizava lo collòqui L'Occitanie à l'heure de la réforme territoriale.
Après una matinada estudiosa a l'ostal de comuna amb las intervencions de Rémy Pech (istorian), Georges Roques (geograf), Jean-François Gleizes (cooperativa Arterris), Jean-Louis Escudier (Inra), Bernard Devic (president del Pargue natural regional de la Narbonesa) e Ives Roqueta (escrivan), la manifestacion s'es perseguida al pè del palais dels Archevesques.
L'objectiu de la jornada èra de considerar las implications de la fusion a venir de las regions Lengadòc-Rossilhon e Miègjorn-Pirenèus, tant d'un punt de vist politic que cultural.
Èran presents entre autre :
- Didier Mouly conse de Narbona ;
- Philippe Saurel conse de Montpelhièr ;
- Gérard Onesta vice-president de la Région Miègjorn-Pirenèus ;
- Éric Andrieu deputat europèu ;
- Jean-Michel Lattes 1èr adjunt al conse de Tolosa ;
- Guilhem Latrubesse conselhièr regional ;
- Jean-François Laffont president de Convergéncia Occitana.
Lo burèu del moviment País Nòste s'amassèt lo 3 d'octobre a Narbona per far lo punt. Asseguran que d'autras initiativas al torn de la reforma territoriala seràn propausadas.
Intervencion de Jean-François Laffont president de Convergéncia Occitana :
Intervencion de Éric Andrieu deputat europèu :
Sorsas de las informacions e de las vidèos : País Nòstre [ligam]