drapel-catalonha10/06/15 - Jessica Bracker propausa sul site The European Magazine una reflexion suls moviments independentistas europèus e lors rapòrts amb l'Union. Tòrna rapelar la maxima : In varietate concordia ! que supòrta lo projècte europèu.

Discutís las tendéncias nòvas que se desvolpan uèi, en constrast amb los independentismes d'ièr, la descolonizacion.

L'Union Europèa es acarada a de demandas d'independéncia autras. Los desirs dels escoceses o dels catalans son pas, uèi, associats a de repressions : son culturalament reconeguts, possedisson una autonomia politica importanta e lor territòris son pas considerats coma d'ancianas colonias. Tres critèris que lo drech international e l'ICJ (International Court of Justice), pel passat, considerèt coma decisius per autrejar la secession de territòris. Mas l'Union aflaquís lo sentiment d'apartenença als estats nacions, e càmbia nòstra rapòrt a la nocion de sobeiranetat "nacionala". Cadun cèrca la siá "nacion".

Per l'autora una melhora organizacion entre los tres nivèls : regional (las regions), nacional (los estats) e europèu (l'Union), es clau.

La situacion europèa es nòva, rica e d'analisar.

Legir l'article [aicí]