07/02/16 - Après la votacion del parlament que modifiquèt la constitucion de l'Estat argerian, la lenga berbèra o amazigh es ara oficiala.
L'amazigh es parlat per un detzenat de milions de personas sul territòri argerian, un quart de la populacion. Es ensenhat dempuèi 1995, e una cadena de television en amazigh es estada creada en 2009. Las institucions preveson de crear una acadèmia de la lenga amazigh. L'arabi demòra la lenga de l'Estat.
Un problèma demòra de superar. A l'ora actuala tres alfabets son emplegats per portar la lenga : berbèrs (alfabet original), latin o arabi.
La lenga es tanben fòrça presenta al Maroc ont es lenga oficiala dempuèi 2011.
De legir sul site tamazgha.fr l'analisa critica de Salem Chaker, profesor a l'universitat d'Ais-Marselha, sus aqueste eveniment [ligam]