Lo divendres 28 de mai de 2021 l'Agéncia Europèa dels Medicaments (EMA) autorizèt l'usatge pels joves que an entre 12 e 15 ans del vaccin de las societats Pfizer e BioNTech contra la covid-19 .
Aquò's lo primièr vaccin autorizat en Euròpa per aquesta populacion.
L'agéncia considèra que i a pas de risc grèu per las personas d'aquel atge e que pòdon èssers vaccinadas. Entrò ara lo vaccin de Pfizer e BioNTech èra limitat a las personas de mai de 16 ans.
Las societats farmaceutica Pfizer e BioNTech avián facha un demanda per obténer aquesta autorizacion a la fin del mes d'abril.
La societat Moderna de son costat que produsís tanben un vaccin a ARN messatgièr emplegat dins l'Union s'aprèsta ela tanben a far una demanda.
En França la vaccinacion serà dubèrta tre lo 31 de mai a totes las personas de mai de 18 ans. Cap de data es pas estada comunicada per la vaccinacion dels 12-18 ans.
En alemanha los adolescents se podràn far vaccinar tre lo 7 de junh.