Dijòus 29 de julhet de 2021 lo primièr ministre Israelian, Naftali Bennett, anoncièt que las pesonnas de mai de 60 ans podrián tre lo primièr d'agost reçaupre una tresena injeccion de vaccin contra la covid-19.

Se podrà far sièis meses après la segonda. « Aquesta tresena dòsi pòt salvar de vidas » assegurèt lo ministre de la santat Nitzan Horowitz.

Lo país es confrontat a un augment de las contaminacions degudas a la version Delta del virus. Ja a la debuta del mes de julhet lo ministèri de la santat propausèt una tresena injeccion a las personas imunodeprimadas.

En França una tresena dòsi de rapèl deuriá tanben èsser propausada a las personas vunerablas tre lo mes de setembre.