blason region occitanie Lo 15 de decembre de 2022 la Region Occitània comunicava sus son adopcion del plan Parlem una cultura viva.

Amb aquel plan la Region vòl desvolopar l'emplec e l'ensenhament de las lengas occitana e catalana sul territòri  ; es estat elaborat amb los actors locals e los abitants de la region. A la debuta de 2022 l'executiu occitan organizava una consultacion per definir los besonhs. Lo plan es per part la frucha d'aquel trabalh.

La Region estima menar « una politica volontarista e ambiciosa » per las lengas catalana e occitana, tornant rapelar l'existéncia de l'Ofici Public de la Lenga Occitana, de l'Ofici Public de la Lenga Catalana e del CIRDÒC.

Es de notar pr'aquò l'abséncia totala de las lengas occitana e catalana dins la comunicacion de la region, levat las qualques linhas simbolicas que lo magazin Le Journal de ma Région propausa regularament.

Lo comunicat se pòt legir aquí.