Esquèma del Leopard 2
Esquèma del Leopard 2

Après de meses de discussions entre los diferents membres de la coalicion que sosten Ucraina dins sa lucha de liberacion, la decision es estada presa de mandar de carris armats pesucs.

Lo govèrn britanic aviá ja lo dissabte 14 de genièr de 2023 manifestat son intencion de mandar de Challenger 2. Quatorze exemplaris exactament.

Son, pr'aquò, de Leopard 2 allemand que l'executiu uncrainés demandava en prioritat. Aqueles carris armats de darrièra generacion se tròban en nombre important sul territòri europèu çò que simplifica la logistica ligada a lor mandadís e entreten.

Dimècres 25 de genièr de 2023, Berlin anoncièt qu'anava mandar de Leopard 2, quatorze exemplaris tirats dels stocks de la Bundeswehr, e qu'autorizava la reexportacion en Ucraina dels carris Leopard. Polonha e Finlàndia notadament preveson de ne mandar.

La decision es importanta. Los Leopard son de carris de fabricacion allemanda e una autorizacion de Berlin èra necessària per un eventual reexport dels autres païses europèus.

Son a la perfin aproximativament ochantes carris armats Leopard 2 que podrián èsser liurats a Ucraina per la coalicion europèa.

Los Estats Units de lor costat an anonciat lo meteis jorn en fin de jornada que prevesián de liurar trente-e-un Abrams M1, carri armat de l'armada estatsunidenca.

Aquelas decisons confirman l'unitat presenta del aligats dins lor sosten a Ucraina.

Leopard 2

Carri armat Leopard 2

L'Abrams M1

Un Challenger 2