Los Bonets rotges - moviment qu'organizèt las manifestacions bretonas de l'automne 2013 per l'emplec e contra l'ecotaxa - an anonciat, lo 13 de decembre de 2013, la tenguda d'Estats Generals de Bretanha pel mes de febrièr de l'annada que ven.
Artur Mas a anonciat lo 12/12/2013 la data de la consultacion per l'independéncia : lo 9 de novembre de 2014.
Las questions pausadas als electors : "Volètz que Catalonha venga un Estat ? Òc o non. Se la responsa es òc, volètz qu'aqueste Estat siá independent ? Òc o non."
Lo govèrn Espanhòl precisa qu'aquesta consultacion non se pòt pas far.
Ligams : [La Vanguardia] - [El Punt Avuí]
Lo departament de Tarn dins lo jornal AtoutTarn comunica :
Mai/Junh de 2013 :
Jornada de formacion sul patrimòni occitan : plan mond amb plan de vam Aculhidas per Joan Gasc, Conselhièr general encargat de l’occitan e per Patrícia Briquet, directritz del Comitat Departamental del Torisme, mai de 150 personas participèron a la formacion sul patrimòni occitan tarnés lo 21 de febrièr a l’Ostal del Despartament. Organizada pel Conselh general de Tarn e menada per l’associacion « CORDAE/La Talvera [+] » la jornada èra mai que mai pels professionals del torisme e agents departamentals desiroses de far dintrar la valor ajustada de la cultura occitana dins lors activitats. Se parlèt d’istòria, toponimia, patronimia, arquitectura, lenga, musica e legendas occitanas als participants tantes e maites que se diguèron contents d’aquesta jornada de sensibilizacion densa et enrichissenta.
Julhet de 2013 Claudi Assemat, secretari del CREO de la Talvera, comunica :
Lo 22/07/13 lo CREO de la Talvera a mandat doas letras, l'una al ministre de l'Ensenhament e l'autra a la ministra de la Cultura e de la Comunicacion.
Lo 15 de julhet de 2013 Rémi Caron balhava a Aurélie Filippetti, ministra de Cultura et de la Comunicacion, un rapòrt sus las lengas parladas sul territòri francés.
La comuna de Tolosa adoptèt lo 23 de març de 2012 un Carta municipala per la lenga e la cultura occitanas.
Çai-jos lo tèxt occitan :
Un article del Jornal del conselh general de Tarn : AtoutTarn numèro 92 - octobre-novembre de 2012 - p29 :
Tarn adòpta son "Esquèma departamental de desvolopament de l’occitan 2012-2018"
L’Esquèma departamental de desvolopament de l’occitan 2012-2018 es estat adopat a l’unanimitat pel Conselh general del Tarn lo 21 de Junh de 2012. Cercant a una estructuracion eficienta e duradissa de la politica departamentala en matièra d’occitan, l’Esquèma ofrís una sintèsi de las accions menadas pel Conselh general e de las mesuras que se pòdon realizar per la promocion de la lenga e de la cultura occitanas.
Cronica occitana Al Canton (Jornal del conselh general d'Avairon, mai de 2012).
Desvolopament durable
Lo desvolopament durable se vòl respectuós del patrimòni natural e cultural. L’innovacion e la creacion, portairas d’un avenidor melhor per l’Umanitat, devon prene en compte las consequéncias, a cort e a long tèrme, per l’environament, la qualitat de vida e la diversitat naturala (biosfèra) e culturala.
Lo projècte de creacion de la collectivitat territorala d'Alsàcia foguèt adoptat lo 24 de novembre de 2012 amb una majoritat larga per las tres assembladas d'Alsàcia amassadas en congrès (conselh general 67 + conselh general 68 + conselh regional d'Alsàcia).
Après las eleccions del 25 de novembre de 2012, los independentistas son majoritaris al parlament de Catalonha - Sobeiranistas : 87 - Non sobeiranistas : 48. Un referendum sus l'independéncia es anonciat.
Ligams : [nouvelobs] - [lojornalet] - [elpuntavui] - [lavanguardia]
Lo 22 de novembre de 2012 a Estrasborg d'unes deputats se son amassats per discutir de la lenga occitana, a l'iniciativa de Catherine Grèze [+] eurodeputada.
08/2012 - Claudi Assemat secretari del CREO de la Talvera, ven de reçaupre, en seguida d'una sollicitacion del collectiu parisenc d'associacions occitanas, una responsa del ministèri de la cultura.
Lo govèrn sembla d'aver pres consciéncia de l'importància, al nivèl educatiu mas tanben cultural, al l'escala europèa, del plurilinguisme. Los occitans de la region parisenca se regaudisson d'aquesta avançada. Lo collectiu d'associacions demòra actiu, e espèra un melhorament de l'ofèrta d'ensenhament per la lenga nòstra.
Ensenhament de l'occitan - acadèmia de Montpelhièr. Lo CREO de Lengadòc manda una letra als elegits de la region Lengadòc-Rosselhon (deputats, senators, conselhièrs regionals e generals) la letra .pdf
Sul 31 de març de 2012 la coordinacion Per la lenga occitana ! comunica :
Tolosa capitada !
Lo 31 de març de 2012 es estat una capitada bèla per la lenga occitana amb 30 000 personas per carrièras a Tolosa e per las lengas regionalas que recampèron mai de 65.000 manifestaires dins França tota per afortir lor dinamica e demandar per elas una lei e d’un estatut.
Punt de vista : François Bayrou e las lengas. Tolosa lo 10 de març de 2012.
"Qu'ei fenit lo temps de la vergonha e que comença lo temps de la fiertat. Qu'èm occitans e biarnés e bigordans... e catalans e bretons e bascos, permor que i a bascos tanben. E qu'avèm l'intencion de continuar a parlar la lenga nosta. Qu'ei la nosta lenga e qu'avèm tanben a la transméter, a la balhar aus dròlles qui son aquiu.
"Mon país, Tolosa, comme chantait Nougaro, ce sont nos richesses ! Et je n'ai qu'un souhait, c'est que nos enfant et petits enfants les parlent un jour mieux que nous ne les parlons nous-mêmes."
Punt de vista : Jean-Luc Mélenchon e las lengas minorizadas.
Manifestacion del 31 de març de 2012, lo collectiu Anem Òc comunica :
"Los occitans manifestaràn, las autras lengas tanben.
"Aquesta manifestacion nos fa passar un nivèl de mai dins la reivindicacion. Serem pas sols. Las lengas que demandan una reconeissença se faràn ausir totas lo meteis jorn.
"Lo 31 de març que ven serà pas una manifestacion de mai mas una manifestacion plan diferenta de las que se debanèron en dempuèi 2005.
La Setmana-Vistedit comunica (ferbrièr de 2012) :
"La Setmana es un còp de mai victima de discriminacion. Es en tot cas atal que consideram lo refús que nos es fait de nos ajudar coma d'autras publicacions que vòlon crear un servici d'informacion en linha.
"La Comission Paritària de la Premsa e de las Agéncias de Premsa (CPPAP) ven de nos far saber que nos acordarà pas l'ajuda qu'es prevista per la premsa d'informacion.