Sul 31 de març de 2012 la coordinacion Per la lenga occitana ! comunica :
Tolosa capitada !
Lo 31 de març de 2012 es estat una capitada bèla per la lenga occitana amb 30 000 personas per carrièras a Tolosa e per las lengas regionalas que recampèron mai de 65.000 manifestaires dins França tota per afortir lor dinamica e demandar per elas una lei e d’un estatut.
Punt de vista : François Bayrou e las lengas. Tolosa lo 10 de març de 2012.
"Qu'ei fenit lo temps de la vergonha e que comença lo temps de la fiertat. Qu'èm occitans e biarnés e bigordans... e catalans e bretons e bascos, permor que i a bascos tanben. E qu'avèm l'intencion de continuar a parlar la lenga nosta. Qu'ei la nosta lenga e qu'avèm tanben a la transméter, a la balhar aus dròlles qui son aquiu.
"Mon país, Tolosa, comme chantait Nougaro, ce sont nos richesses ! Et je n'ai qu'un souhait, c'est que nos enfant et petits enfants les parlent un jour mieux que nous ne les parlons nous-mêmes."
Punt de vista : Jean-Luc Mélenchon e las lengas minorizadas.
Manifestacion del 31 de març de 2012, lo collectiu Anem Òc comunica :
"Los occitans manifestaràn, las autras lengas tanben.
"Aquesta manifestacion nos fa passar un nivèl de mai dins la reivindicacion. Serem pas sols. Las lengas que demandan una reconeissença se faràn ausir totas lo meteis jorn.
"Lo 31 de març que ven serà pas una manifestacion de mai mas una manifestacion plan diferenta de las que se debanèron en dempuèi 2005.
La Setmana-Vistedit comunica (ferbrièr de 2012) :
"La Setmana es un còp de mai victima de discriminacion. Es en tot cas atal que consideram lo refús que nos es fait de nos ajudar coma d'autras publicacions que vòlon crear un servici d'informacion en linha.
"La Comission Paritària de la Premsa e de las Agéncias de Premsa (CPPAP) ven de nos far saber que nos acordarà pas l'ajuda qu'es prevista per la premsa d'informacion.
La fondacion Joan Jaurés presenta un ensag de Armand Jung e de Jean-Jacques Urvoas sus las lengas minoritàrias en França - [legir lo .pdf]
Conselh Regional de Miègjorn-Pirenèus - amassada del 20-12-2011
Vòt de Guilhem Latrubesse - Elegit Europe Ecologie
"Per la proteccion e la promocion de las lengas e culturas regionalas.
"La diversitat lingüistica e culturala dins lo monde es un enjòc màger per las annadas que venon. En França, las lengas regionalas e en particular l'occitan fan partida de las lengas menaçadas segon l'UNESCO. Aquò deu apelar una politica volontarista de sauvagarda e de desvolopament de la lenga e de la cultura occitanas e d'accions menadas en partenariat amb las diferentas collectivitats e l'Estat.
Congrès permanent de la lenga Occitana - L'In-Òc comunica : "Lo 16 de deceme 2011 a 14h, a l'Ostau de Region de Bordèu, M. David Grosclaude, conselhèr regionau d’Aquitània, delegat a las lengas e culturas regionaus, qu'a lançat oficiaument lo navèth organisme de regulacion de l'occitan : "Lo congrès permanent de la lenga occitana" en preséncia de representants de las Regions Mieidia Pirenèus, Lengadòc-Rosselhon e Ròse-Aups, deu Ministèri de la cultura e de la comunicacion (D.G.L.F.L.F.) e de Francés Boya Alós - senator espanhòu e ancian sindic d'Aran - e d'Andres Urrutia - president d'Euskaltzaindia Academia reiau de la lenga basca.
Manifestacion Anem ! Òc ! Per la lenga occitana ! la coordinacion comunica :
"La Coordinacion "Per la lenga occitana !" organizaira de la Manifestacion dau 31 de març de 2012 vos convida a un acamp de trabalh lo : divendres 6 de genier de 2012, a comptar de 18h a l'Ostal d'Occitània, a Tolosa.
"Aquest acamp es dubèrt en totei, per fin de recampar toteis aquelei que se vòlon ben investir dins aquesta aventura e faire qu’aquesta jornada sigue una capitada dei bèlas per la lenga occitana.
França - Presidencialas de 2012
De legir, lo discors de la candidata Eva Joly a Moans-Sartós lo 27 d'agost de 2011 ligam e, de notar, lo punt de vista del sénher Debré, deputat parisenc, al subjècte de las lengas e de la candidata d'Euròpa Ecologia ligam
Las lengas dintran dins lo debat.
Articles ligats :
Premsa : article del jornal catalan El Punt Avuí sul decrèt espanhòl contra la lei sus l'occitan-aranés ligam
Comunicat de Guilhèm Latrubesse e David Grosclaude - Novembre de 2011
Lo 10 de decembre de 2011 a Barbasta, l'occitanisme s'organiza en Aquitània e Miègjorn-Pirenèus
"Amigas, amics
"Qu'avèvam prepausat au començament de l'annada mantuas amassadas en Aquitània e en Miègjorn-Pirenèus entà soscar a l’estructuracion de l'occitanisme, entà qu'aja ua capacitat d'intervencion dens la decision politica.
"Segon nosautes, l'occitanisme deu méter en plaça un projècte per l'aviéner.
Sus l'Esquèma Regional de desvolopament de l’occitan [ligam] - un article de la region Miègjorn-Pirenèus - site midipyrenees.fr
"La Region Miègjorn-Pirenèus ajuda dempuèi bèl brieu las accions de las associacions e estructuras de promocion de la lenga e de la cultura occitanas. A notadament multiplicat son budgèt per mai d’1,5 dempuèi 1998 per tal d’obrar a la transmission de l’occitan, lenga e cultura pròpias e vivas de Miègjorn-Pirenèus.
"Aquel procediment ten compte de la situacion e dels atots especifics de la nòstra region, de sa vocacion de dobèrtura euro-regionala e europenca, de sa volontat d’afortir e de desvolopar una personalitat singulara e dobèrta, de sa desirança de promòure una part integranta del patrimòni regional, nacional e mondial.
La Region Aquitània comunica :
"Carta interregionau entà l' occitan.
"Au parat de l’amassada plenèra deu 24 d’octobre passat (2011), la region Aquitània qu’a adoptat la Carta de cooperacion interregionau e transfrontalèra de desvelopament de la lenga occitana. Lo conselhèr regionau d’Aquitània David Grosclaude que ns’assabenta "d’ua purmèra dens l’istòria de la politica lingüistica entà la lenga occitana".
De qué vòlon los candidats del PS per las lengas ? (informacion La Setmana-Vistedit)
"Levat Manuel Valls, totes los candidats an balhat lor vejaire sus las lengas regionalas e çò que cal far per las salvagardar.
La Setmana a recampèt lors idèas sus la question.
Comunicacion de la coordinacion Anem Òc :
"Amigas, Amics
"Dins sièis mes se debanarà la manifestacion de Tolosa en favor de la lenga occitana. Lo 31 de març de 2012 serà un jorn de mobilizacion granda. Avèm per objectiu de ne’n faire un recampament encara mai important que çò que siguèron lei manifestacions de 2005, 2007 e 2009.
Communicacion d'Anem Òc - Manifestacion de 2012 - Legir la crida
Letra de David Grosclaude :
"La lenga occitana pòt pas èstre absenta del debat public
"La tenguda d'una granda manifestacion en favor de la lenga occitana en 2012, abans l'eleccion presidenciala, es una promessa faita publicament al mes d'octobre de 2009. A l'epòca aviái la responsabilitat d'una de las composantas de Anem Òc ! e pas de las mendras : l'IEO. Pòdi dire sens mentir que l'IEO foguèt a l'origina d'aquela idèa o al mens pòdi afirmar qu'es l'IEO que formulèt la proposicion d’una granda manifestacion en favor de la lenga occitana. Segur, èra una idèa qu'èra nascuda dins lo cap de maitas personas. Las idèas son lo produit de tantes factors qu'es pas totjorn de bon dire d'ont venon. Se l'IEO èra pas lo brèç de l'idèa ne foguèt al mens lo formulator, lo que cambièt una idèa encara fosca en projècte concret.