Après la decision de la societat HTT de s'installar a Tolosa per desvolopar
un sistèma de transportacion iperlop, es lo grop canadian TransPod
que manifèsta son interés per la region Occitània.
Son basats carrièra dels Briquetiers a Blanhac, al còr de l'Aerospace Valley, d'aquí desvolopan lors projèctes per la region.
Exactament la societat, segon los dires de son cofondator Sébastien Gendron publicats pel jornal La Dépêche (13/09/17), projècta una ligason entre las vilas de Montpelhièr e de Tolosa. Calriá alara vint minutas per anar de l'una a l'autra a 1 200 km/h.
Pel moment, en setembre de 2017, ne son a definir sa factibilitat. An pres contact amb la region e lo ministèri dels transpòrts.
Un tal projècte, segon los dire de Sénher Gendron, podriá abotir al torn de 2022 un còp las constrenchas tecnicas e administrativas levadas.
En Canadà, modestament, ne son a assajar de bastir una pista d'ensag de 4 a 10 km de long a Calgary.
