La societat Navya basada a Lion, presentèt lo 7 de novembre de 2017 a Sant Danís en region parisenca lo veïcul Autonom Cab, un taxi conectat, electric e autonòm.
Navya a ja en activitat en Euròpa, Estats Units o en Asia mai de 50 Autonom Shuttle, de pichons busses d'un quinzenat de plaças que se menan solets sus d'itineraris coneguts. Lor velocitat es compresa entre 25 e 45 km/h.
Lo novèl modèl, Autonom Cab, de las formas futuristas es mai ambiciós que lo Shuttle. La tòca aquí es de propausar un veïcul suceptible de remplaçar los taxis. Pr'aquò demorariá cantonat en vila. Pòt aculhir fins a sièis personnas.
« On est les premiers à mettre sur le marché un véhicule de type robot-taxi sans volant et sans pédales, personne ne fait ça dans le monde. » Çò dis Christophe Sapet president de Navya.
La societat es estada creada en 2014.
