Lo dimars 12 d'octobre de 2021, lo president francés Emmanuel Macron presentava lo plan France 2030. Aqueste prevei d'investiments a nautor d'1 miliard d'èuro dins l'energia nucleara a fission.
Son de reactors diches SMR, per Small Modular Reactors, que lo president vòl veire produsir en França al delà dels EPR (European Pressurized Reactor).
Los SMR, tanben bassats sus la produccion d'electricitat per fission, son mai pichon que los EPR. Lor poténcia es a l'entorn de 100 MW. Pòdon èsser installats rapidament e dins de luòcs isolats.
Al nivèl internacional aquel tipe d'infrastructura es desvolopada per d'industrials en China, Russia, Estats Units o encara al Japon.
L'actor màger del sector en França es EDF. Trabalha ja sus un reactor SMR dich Nuward. Es estat desvelat a la prima de 2021. Preveson una comercializacion del produch per 2030.
Aquestes pichons reactors aurián per voccacion de remplaçar las centralas a carbon o a gaz que produsisson de quantitat importanta de CO2.
Los Nuward aurián una poténcia de 170 MW e serián destinats a l'exportacion.
