02/04/16 - Lo pichon vaissèl New Shepard de la societat Blue Origin de Jeff Bezos's ven de capitar pel tresen còp son aterratge. Mai que la capsula, los motors son estats recuperats.
Flawless BE-3 restart and perfect booster landing, es lo tweet que mandèt Sénher Bezos dissabte de matin.
Lo nom del vaissèl New Shepard es un omenatge a l'astronauta Alan Shepard, primièr american, en 1961, a èsser anat dins l'espaci.
Aqueles tres succèsses dubrisson a la companhiá lo camin del torisme espacial. La capsula debriá poder conténer sièis astronautas. La preocupacion primièra dels conceptors es de s'assegurar de la fiabilitat del veïcul.
Lo New Shepard es pichon, aquò's un vaissèl suborbital (la capsula se pòt pas metre en orbita), çò que facilita sa recuperacion.
De notar que SpaceX capitèt en 2015 de recuperar lo primièr estatge de sa fusada Falcon 9, que ela manda de capsulas (Dragon) en orbita.
