L'IEO d'Arièja organiza a Pàmias lo dissabte 23 de març de 2019
dins l'encastre d'una sèria de formacions que se debanaràn fins al
mes de junh, un estagi sus la traduccion.
Animat per Sèrgi Carles se tendrà a l’Espaci occitan, 11 carrièra Henri Fabre. A per títol : « Revirada : enjòcs e practica ».
Aquela jornada serà menada, a l’entorn d’un trabalh comun de traduccion aprestat de per avança e de tornar al formator abans le 12 de març. Los tèxtes vos seràn mandats al moment de l’inscripcion per l’IEO 09.
Atencion ! se cal marcar que lo nombre de participants es limitat a 15 personas.
Sèrgi Carles trabalhèt coma regent e conselhièr pedagogic d’occitan. Son experiéncia de traductor es importanta.
Revirèt primièr de manuals per l’ensenhament en occitan dins l’Educacion nacionala e de libres pels jovents. Dempuèi qualques ans, se consacra a la traduccion en occitan d'òbras literàrias per tot public.
A ja publicat :
- en 2011 : Una cadena de voses (A Chain of Voices) d’André Brink ;
- en 2015 : La vida de Lazarillo de Tormes traduch de l'espanhòl ;
- en 2016 : Divendres o la vida salvatja (Vendredi ou la vie sauvage) de Michel Tournier.
