Après un mes de guèrra en Ucraina e la presa de consciénça dels membres de l'Union de la necessitat de limitar lor dependéncia en energia provenent de Russia, l'Union Europèa e los Estats Units an anónciat lo 25 de març de 2022 un partenariat.
Segon l'accòrd desvelat per Joe Biden e Ursula von der Leyen, los Estats Units forniràn a l'Union 15 miliards de m3 de mai de gas natural liquefiat (GNL) en 2022.
Totes los païses de l'Union dependan pas de Russia de la meteissa faiçon. Alemanha es un dels païses los mai expausats. Abans la debuta de l'invasion lo 24 de fevrièr, importava de Russia 33 % de son petròli, 45 % de son carbon e 55 % de son gas. Lo govèrn alemand afirmava a la fin del mes de març que trabalhava per sortir progressivament d'aquesta dependéncia e que lo país se podriá passar del pertòli e del carbon rus d'aicí a la fin de 2022 e pel mitan de 2024 pel gas.