La presidenta de la Comission Europèa, Ursula von der Leyen, anoncièt dimars 27 de julhet de 2021 que 70 % dels europèus de mai de 18 ans avián recebut almens una dòsi de vaccin contra la covid-19.

Aquò èra l'objectiu que s'èran donadas las autoritats. Las personas completament vaccinadas representas 56 % de la populacion.

Aquela anóncia arriba alara que lo variant Delta se propaga sul territòri. Es d'ara enlà majoritari e mai contagiós.

Los vaccins emplegats son tanben eficaç contra aquel variant.

La presidenta de l'Union afortiguèt que las administracions contunharián de fornir un volum sufisent de dòsis per permetre la vaccinacion dels europèus.

Danemarc, Olanda, Irlanda e Malta son los païses ont lo nivèl de vaccinacion es lo mai naut amb mai de 80 % de primovaccinats. Bulgaria e Romania son los mens abançats amb mens de 30 % de primovaccinats.

Sorsa de las donadas : ECDPC (European Centre for Disease Prevention and Control).