Divendres 23 de julhet de 2021, l'Agéncia Europèa dels Medicaments (EMA) anoncièt qu'autorizava l'utilizacion del vaccin contra la covid-19 de la societat Moderna pels joves de 12-17 ans.
Lo vaccin d'aquesta societat èra ja autorizat pel adults de mai de 18 ans.
L'organisme considèra que lo vaccin pòt èsser emplegat per aquela populacion coma pels adults. La vaccinacion produsís una responsa imunitaria comparabla e los apara eficaçament contra la malautiá.
Cap d'efècte segondari novèl es pas estat relevat. Segon l'EMA los beneficis de l'emplec del vaccin sus aquesta populacion supèran los riscs.
Lo vaccin rejonh per aquesta populacion lo de las societats Pfizer e BioNTech ja autorizat dempuèi la prima.