Lo dimècres 15 de junh de 2022 lo secretari a la defensa dels Estat Units d'America confirmèt una nòva ajuda militara a Ucraina.

Ucraina lucha per son independéncia e per la libertat de sos ciutadans dempuèi los 24 de febrièr, jorn ont debutèran las agarridas russas. Jos equipat militarament lo país demandèt d'ajuda.

Los Estats Units son de luènh lo primièr país a los sostar materialament davant lo Reialme Units e los païses de l'Union Europèa. Lo 15 de junh lo secretari a la defensa dels Estat Units confirmèt l'ajuda suplementària d'un miliard de dollars promesa pel president estatsunidenc Joe Biden.

Es la natura d'aquela ajuda que compta. Per poder contener las agressions russas los ucraineses devon èsser equipats del material adaptat. Aqueste lor far pel moment sofracha.

L'ajuda anonciada deuriá comprene de missiles Harpoon que permetràn als ucraineses de luchar contra las naus enemigas presentas en Mar Negra, d'obusièrs M777 e de municions. Notadament de roquetas de precision pels sistèmas HIMARS (High Mobility Artillery Rocket System) M142 prometuts anteriorament e que devon parvenir en Ucraina a la fin del mes de junh.

Lo plan prevei tanben de fornir de ràdios securizadas e de lunetas de vision nocturnas.

Lo president francés Emmanuel Macron anoncièt de son costat lo 16 de junh alara que visitava l'executiu ucrainés que França anava liurar siès obusièrs autoportats sus ròdas Caesar de mai.

Obusièr M777

Obusièr M777, BAE Systems, Estats Units

HIMARS M142

HIMARS M142, Lockheed Martin, Estats Units

Caesar 6x6

Obusièr Caesar, Nexter, França