Ucraina lucha dempuèi lo mes de febrièr de 2022 contra l'invasion de sos territòris per l'armada russa, es dempuèi la debuta sota lo fuòc dels missils enemics. Aquestes tustan las infrastructuras al còp civilas e militaras e son responsables de la mòrt de detzenats de civils.

Los ucraineses possedissián de sistèmas antimissils rus del tipe S-300. Los aligats, per melhorar lor proteccion, an dempuèi la debuta de la guèrra, mandats diferents sistèmas.

Son ja, en decembre de 2022, sul sòl ucrainés los NASAMS IRIS-T e HAWK. Aqueles sistèmas son de corta portada. D'autre material d'una portada encara mai corta coma los Crotales franceses son tanben sul terren.

Dos autres sistèmas mai sofisticats e d'una portada superiora, lo SAMP/T francoitalian e lo Patriot estatsunidenc, van venir completar l'ofèrta a la debuta de 2023 e permetre als ucraineses de s'aparar melhor.