Airbus afortís sa preséncia a Tolosa. Lo grop ven de debutar, sul site del Palays, la construccion d'un bastiment novèl. Nomat K2 farà un pauc mai de 14 000 m2.
Aquel bastiment deu aculhir lo sèti de la division Airbus Defense and Space (ADS) especializada dins la concepcion e la fabricacion de satellits, de drònes, d'avions militars o de sistèmas de comunicacions ; aquela entitat es tanben en carga de programas scientifics ligats a la navigacion e d'observacion de la Tèrra.
La primièra pèira es estada pausada lo 24 de genièr de 2019 per Pierre Barrouillet director dels sites tolosans de la division. La siá liurason definitiva es prevista per la fin de 2019. Lo projècte representa un investiment de 20 milions d'èuros.
Los efectius d'Airbus Defense and Spaced son a creise. En 2018 son mai de 400 salariats que son venguts rejonhe los sites tolosans.
