Se debanarà a Tolosa al mes d'octobre de 2023 lo festival Occitània. Aquí çai-jos la presentacion dels organizators e lo programa.

Festivala Occitània, comunicat :

Parlar, cantar, dançar, en occitan. Un còp de mai, lo Festival Occitània tòrna tre la davalada a Tolosa e dins lo parçan ! Ongan, un vintenat d’eveniments vos permetràn de descobrir las creacions occitanas actualas tot lo mes d’octobre. Literatura, musica, dança, teatre, cinemà... lo Festenal se vòl pluridisciplinari e dobèrt a totas e totes. Portat per l’IEO 31 e en partenariat amb d’associacions localas e occitanas, dintratz al mièg de la cultura nòstra, a partejar sens moderacion.

Començam tre lo 16 de setembre, a Sent Lis : las classas occitanistas del Collègi Léo Ferré vos convidan al sound sistem pels pichons d’Humpty Dumpty per una vesprada boleganta. Totjorn a Sent Lis, en partenariat amb lo País de Catinou, aculhirèm la conférencia de Joan-Miquèu Espinasse Còrnamusas occitanas peus nuls, seguit del concèrt de swing gascon d’Adi’Jazz. Una serada gascona de mancar pas !

L’inauguracion del Festenal se farà lo 30 de setembre a la Bibliotèca d’Estudis e del Patrimòni de Tolosa a l’escasença de la sortida d’un Diari especial, dedicat a Robèrt Lafont pel centenari de sa naissença. La taula redonda s’acabarà per un concèrt d’Eric Fraj amb de poèmas de Robèrt Lafont.

De concèrts, n’i aurà per totes los gosts : Severina Bonnin (cançon occitana) per la sortida de son albom nòu, Bombadissa (ragga balèti familial) per la Fèsta Occitana de Senta Gabèla, Otxo (musica actuala vintage del futur) a La Topina, Delta Sònic (groove rural, son urban) & Varalh Prod (mix transe-òc) al DAda, Las Arribèras & Nat sei pas (cants polifonics) per Canta Carbona, Primaël amb Pantxix Bidart (cançons oc e euskara) a Tolosa, lo jove grop Diluvienne (trio polifonic) a las Ogresses...

E per dançar, cal de balètis ! Pel lançament de la sason de la MJC del Pont de las Domaisèlas, Peldrút vendrà enflamar la cort lo 22 de setembre ! Per se faire mesclar e rencontrar las culturas, lo grop breton Loened Fall partejarà l’empont amb lo grop occitan de Gironda Lo Silenci de la Flor per un Fest-noz balèti de tria organizat per Breizh en Oc a Cunhaus. L’escasença de s’iniciar als cants e a las danças bretonas. Puèi, Mathys Marie assegurarà lo bal mesadièr de La Maison Blanche a Tolosa.

Costat teatre, la Comedia Occitana Tolzana farà doas representacions de la peça Du côté de la COT a Santa Fe d’Agrafuèlha e a Bretx.

Nòstra librariá La Tuta d’Òc convidarà Daidièr Mir per un rencontre literari e cinematografic a l’entorn de son filme Leis Inaudibles que serà projectat, sul vilatge de Bròve (83), vòidat per l’armada francesa en 1974. Un obratge caleïdoscopic que multiplica los punts de vista e los biaisses de dire aquela istòria.

Enfin, poirètz tanben visitar Tolosa en occitan, rire amb l’espectacle comic de Clamenç, descobrir la toponimia blanhaquesa amb l’associacion Blagnac Histoire et Mémoire, e tot un fum d’autras suspresas de descobrir en detalh sul site internet de l’IEO 31 !

Traparetz lo programa complet suls rets socials Facebook (@festivaloccitania) e Twitter (@festoccitania) e sul site www.festivaloccitania.com

Vos disèm a plan lèu !

Los organizators

Festival Occitània 2023


Joan-Loís Segondy : presentacion del libre 'D’aucèls e d’òmes'

En 2023 sortissiá lo libre D’aucèls e d’òmes de Joan-Loís Segondy.

Sèrgi Viaule : critica del libre 'Lo mistèri de la Montanha Negra'

Lo mistèri de la Montanha Negra

En novembre de 2012 sul webzine Jornalet Sèrgi Viaule presentava lo libre de Cristina Clairmont Lo mistèri de la Montanha Negra.

Los Païses Basses e Danemarc mandaràn a Ucraina de F-16

F-16C

Dimenge 20 d'agost de 2023, Mark Rutte, primièr ministre neerlandés, anoncièt que de F-16, avion de combat de concepcion estatsunidenca, serián mandats a Ucraina per los Païses Basses e per Danemarc.

Publicacion : aprene l'occitan e promòure lo 'patrimòni'

Apprendre l'occitan, promouvoir le 'patrimoine' de Gregoire Andreo Raynaud

Sortiguèt al mes de genièr de 2023 lo libre Apprendre l'occitan, promouvoir le 'patrimoine' de Gregoire Andreo Raynaud. Es estat publicat per L'Harmattan.

Sul libre 'S.T.O' de Régine Hugounenq

sto

En 2019 sortissiá lo libre S.T.O - Lo tust de tres letras de Régine Hugounenq. En novembre la revista de la metropòli de Montpelhièr ne fasiá la presentacion.