L'IEO comunica : lo cercle IEO de Roergue Nalt espeliguèt en 2007. Après quatre ans de corses per adultes organizats per l'IEO 12 e animats per dos professors espaliveses, l’interés e la demanda butèron los animators a crear una associacion.
Lo cercle es basat a Espaliu e ligat al nòrd de Roergue ont l'IEO èra pas present.
La tòca de l'associacion es de d'organizar de corses de lenga occitana pels adultes, de far coneisse e ausir la lenga, vòl èsser un relais institucional e mostrar que lo nòrd de Roergue, ont la lenga es encara viva, a una lenga, una istòria, una cultura, e las competéncias per las promòure e las desvolopar.
En mai dels corses, l'associacion :
- organiza de rescontres al torn de la lenga e de la cultura occitana : velhadas de lectura, conferéncias, espectacles de teatre o de musica ;
- en collaboracion amb l’ofici de torisme e la vila l'associacion faguèt la revirada en occitan del guide de visita del canton d’Espaliu qu’es ara trilingue : francés, occitan e anglés
- participèt a la mesa en plaça de panèus explicatius trilingues suls monuments de la vila ;
- trabalha sul un projècte de senhaletica bilingua de las carrièras del centre istoric d’Espaliu e sus de projèctes d'edicion (reproducion de cartas postalas, antologia dels escrivans e poètas del nòrd de Roergue.
