IEO Edicions publiquèt al mes de març de 2021 La Legenda de Sleepy Hollow
de Washington Irving.
La traduccion occitana es de Pèire Beziat que revirèt tanben de Conan Doyle Las aventuras de Sherlock Holmes (IEO Edicions) e de Robert Louis Stevenson, Lo mond perdut (IEO Edicions) e Viatge amb un ase per Cevenas (Editions des regionalismes).
Washington Irving situa l'accion de la legenda dins la val aconsomida de Sleepy Hollow. Aquí lo temps sembla coma calhat. Lo regent Ichabod Crane, que regna en mèstre sus sa pichona escòla, pensa que res ni degun lo pòt pas pus arrestar sul camin de la notorietat e de la prosperitat. Mas lo fantauma del Cavalièr sens Cap que trèva la val dempuèi la guèrra d’independéncia fa fintanèla...
Washington Irving (1783-1859) es un escrivan e un biograf american. Publiquèt dins las annadas 1819-1820 un recuèlh de novèlas dont es tirada La Legenda de Sleepy Hollow.
Extrach
Se contava lo raconte del vièlh Brouwer, lo mai erètge per çò qu’èra de creire a las trèvas, cossí encontrèt lo cavalièr que tornava de son escorreguda dins Sleepy Hollow e que lo forcèt a montar en cropa darrièr el ; cossí avián cavalgat per las matas e pels romegasses, pels puòges e per las sanhas, d’aquí qu’arribèsson al pont. Alara lo cavalièr s’èra mudat tot d’un còp en esquelèta, aviá escampat lo vièlh Brouwer dins lo rivatèl, e dins una tronada, s’èra escapat en sautant per dessús la cima dels arbres.
Mièja-Gauta o Lo gentilòme de veire de Max Roqueta (Trabucaire, 2010, 278 pages, 15 èuros).
Escriches de Femnas Tarnesas de Ramon Ginolhac sortiguèt en 2015. Es estat publicat per l'IEO de Tarn. Còsta 18 € e fa 224 paginas.
Lo roman Nhòcas e bachòcas de Pèire Pessamessa, publicat pel primièr còp en 1957 e
reeditat dins la colleccion A Tot de l'IEO en 1981, presenta lo quotidian d'un jovent provençal
al sortir de la segonda guèrra mondiala.