Lo diluns primièr de junh de 2026 la societat Vast anoncièt qu'installava son quartièr general europèu a París. Anoncièt tanben que trabalhariá amb d'astronautas franceses de l'Agéncia Espaciala Europèa (ESA) per doas de sas missions.
La primièra serà a destinacion de l'Estacion Espaciala Internacionala (ISS). Es Thomas Pesquet que serà comandant d'aquesta mission privada de Vast.
La segonda mission, prevista per 2027, aurà per objectiu d'inaugurar l'estacion desvolopada per Vast : Haven-1. Es l'astronauta reservista de l'ESA Arnaud Prost que participarà al vòl coma engenhaire.
Haven-1 serà la primièra estacion espaciala privada en orbita.
Vast es una societat basada a Long Beach en Califòrnia. Desvolopa d'estacions e d'infrastructuras espacialas de nòva generacion, es a desvolopar rapidament son estacion multimoduls Haven amb per objectiu d'assegurar una preséncia umana contunha dins l'espaci. Aquesta estacion permetrà de menar de recèrcas en microgravitat, e de desvolopar una novèla economia espaciala per de clients publics o privats.
Al delà d'estacions per l'orbita bassa terrestra la societat prevei de desvolopar d'abitats per la Luna e per Mars.
L'estacion Haven-1 en construccion
