La societat Boston Dynamics especializada en robotica, produsís una mena de muòl : Big Dog. Un motor alimenta un sistèma idrolic que li permet de caminar e de carrejar de cargas. Los sieus desplacaments son contrarotlats electronicament per de calculators ligats a diferents sensors.
La tòca del projècte es de produire un robòt per transportar de material en companhiá d'òmes.
La version militara del robòt foguèt testada en condicion per lo Marine Corps Warfighting Laboratory (MCWL) fin 2012. Aqueste version "assuta lo mèstre" sus comanda. Per aquò far, lo robòt es equipat d'otisses de vision e d'un GPS. Los òrdres son comunicats a la "bèstia" vocalament.
Aqueste muòl de fèrre caracteriza d'un biais espectaclós lo progresses efectuats en robotica dempuèi un detzenat d'ans : autonomia, stabilitat, interaccion a minima amb los umans, mestreja de las constrenchas exterioras.
