TIOLo companhiá de teatre La Rampa TIO presenta ongan (2017) un novèl espectacle : Vida Vidanta. Los tèxtes son de Joan Claudi Forêt.

L'ambicion del projècte es d'explorar « l’enòrma normalitat dels òmes e de las femnas que sèm », lo tot dins un encaminament teatral contemporanèu.

La companhiá prenguèt contact amb Joan Claudi Forêt, universitari, escrivan, emai apassionat de teatre e d’escritura teatrala. L'encontra capitèt e nos dona uèi Vida Vidanta o la vida de cada jorn.

Aquesta creacion, segon la presentacion que ne fa la companhiá, mòstra de scènas de vida que los òmes e las femnas i son confrontats, que sián joves, estudiants, adultes : interrogacions sus l’èsser, l’identitat, l’amor, la relacion a se, la relacion als autres, dins una societat que vanega, presa entre patrimòni e modernitat, entre caricatura e autenticitat.

Vida vidanta es un cabaret de situacions concrètas, contemporanèas, crudèlas de còps, comicas d’autres còps. L’umor, l’absurde, l’emocion assasonan de sequéncias, fòrça realistas. L'espectacle s'organiza al torn de peçòtas coma : Carta d’identitat, Mond invèrs, L’amor, çò que ne sòbra, Vidassa Vidanta...

Distribucion :

• Jòc : Viviana Allocco, Gilles Buonomo, Bruno Cecillon, Gaëlle Levêque
• Mesa en scèna : Jean Louis Roqueplan
• Visual : Fabrice Favel


Publicacion : aprene l'occitan e promòure lo 'patrimòni'

Apprendre l'occitan, promouvoir le 'patrimoine' de Gregoire Andreo Raynaud

Sortiguèt al mes de genièr de 2023 lo libre Apprendre l'occitan, promouvoir le 'patrimoine' de Gregoire Andreo Raynaud. Es estat publicat per L'Harmattan.

Ives roqueta, escritura, enfança e... lo libre de François Cavanna 'Les Ritals'

Cavanna 'Les Ritals' detalhs

En 1979 dins la revista Aicí e ara Ives Roqueta tornava, alara que veniá de legir lo libre de François Cavanna Les Rital, sus son rapòrt a l'enfança coma escrivan.

Votacion del Parlament Europèu per melhorar la mobilitat electrica

Lògo recarga electrica

A la debuta del mes de julhet de 2023 lo Parlament Europèu votèt per l'adopcion de règlas novèlas per fin de far créisser lo nombre de las estacions que permeton de recargar los veïculs electrics. Las novèlas disposicions preveson tanben de ne facilitar l'usatge.

Nòva : 'Lo cinc de junh' d'Ives Roqueta

Estiu

Dins la revista Letras d'òc numèro 1, de 1965, Ives Roqueta publicava lo tèxt : Lo cinc de junh.

Musica : Aqueles

Aqueles

Al mes de març de 2020 lo jornal Roergàs Centre Presse presentava lo grop Aqueles.