Se debanarà lo dijous 16 de març de 2023 a 18h30 al CIRDÒC de Besièrs, 1 bis Bd Du Guesclin, lo vernissatge de l'exposicion que la mediatèca dedica a Robèrt Lafont pel centenari de sa naissença. L'intrada es gratuita.
Lo CIRDÒC a travèrs aquela novèla edicion de l'exposicion Le roman de la langue vòl rend omenatge a una figura incontornabla de la pensada occitana del sègle XX.
Lo vernissatge se farà en preséncia de Fausta Gavarini, companha de Robèrt Lafont, e de sos enfants.
L'exposicion es estada aprestada amb lo sosten de la Region Occitània, dins lo quadre de l'edicion de 2023 del Printemps des Poètes.
Al programa : lecturas de poesias, evocacions sonòras e projeccion de filmes.
