Dins son magazine del mes de febrièr de 2022 la region Occitània comunicava sus la promocion de la lenga occitana al licèu.

D’ambaissadors de la lenga occitana dins los licèus

Son un desenat los escolans de licèu qu’an causit l’occitan coma opcion al bachelierat e participan a una granda operacion de sensibilizacion a l’aprendissatge de la lenga occitana durant l’annada 2022.

Comencèt tot l’auton passat, a l’iniciativa de l’Ofici Public de la Lenga Occitana amb lo lançament d’una crida a de candidaturas als 64 establiments de las acadèmias de Tolosa, Bordèu, Montpelhièr e Lemòtges que prepausan l’opcion d’occitan dins son ofèrta de corses. L’objectiu d’aquesta operacion es de s’apiejar sus las generacions joves — son 15.000 escolans que fan cada an sa dintrada en occitan dins una classa bilingua o immersiva — pr’amor de conquistar de locutors novèls.

Los joves ambaissadors recebràn la carga d’anar encontrar sos camaradas per lor parlar de son percors, portar un agach novèl sus la transmission de la lenga. Beneficiaràn d’un acompanhament personalizat, participaràn als esveniments màgers organizats durant l’annada escolara e veiràn valorizat son engatjament.

Jornala de la region Occitània
febrièr de 2022


Jòrdi Labouysse : 'Occitània, Moments d'histoire'

Jòrdi Labouysse : 'Occitània, Moments d'histoire', 2023

Lo libre Occitània, Moments d'histoire de Jòrdi Labouysse publicat a la prima de 2023, recampa d'articles publicats entre 1980 e 2010 ligats a l'istòria dels païses occitans.

Sul libre 'Composition Française' de Mona Ozouf

Après la sortida del libre de Mona Ozouf Composition Française Joan-Guilhem Roqueta ne fasiá la critica.

Ajuda militara a Ucraina : Caesars e missils AASM

Missil AASM

Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.

Sul libre 'Déodat Roché « le Tisserand des Catharisme »'

Déodat Roché « le Tisserand des Catharisme »

Sul libre de Jean-Philippe Audouy Déodat Roché « le Tisserand des Catharisme » una critica de Sèrgi Viaule.

Prefaci de Felip Gardy a 'La quimèra' de Joan Bodon (1989)

La Quimèra

Per sa reedicion en 1989, las Edicion de Roergue accompanhava lo libre de Joan Bodon d'un prefaci de Felip Gadry.