Dissabte 12 d’abril de 2014 : 14h30, sala 110, facultat de drech París-Panteon (12, plaça del Panteon 75005 París) : Quentin Sicard, professor d’istòria, evocarà Lou Gau, revisto mesadiero pèr li revendicacioun de la lengo prouvençalo à l’escolo, dins la cadiero e à la tribuno poupulàri. Aquesta publicacion foguèt creada pel paire Xavièr de Fourvières (que ne foguèt le director, amb Paul Ruat) e pareguèt del 15 de genièr de 1897 al mes de decembre de 1910 (darrièr numèro, lo 181), pendent 14 ans. Amb Lou Gau, Xavièr de Fourvières s’interessa a totas las batèstas que l’òme d’Òc mena cada jorn per manténer e espandir la siá identitat.
Dissabte 17 de mai de 2014 : Fèsta parisenca de Santa Estela. Nos tornarem trobar a 11h30 al pè de l’estatua de Dòna Clamença, en l’onor dels Jòcs florals de Tolosa, al jardin del Luxembourg. Vos esperam totes amb las vòstras poesias. Cadun pòt venir legir los tèxtes que li agradan e charrar en lenga nòstra. A 12h30, repais de l’amistat. A 14h30, sala 110 de la facultat de drech París-Panteon, Nicolas Quint, lingüista, vendrà presentar lo metòde novèl Assimil d’occitan que ven d’espelir al mes de febrièr.
Del 30 de mai al 1 de junh de 2014 : felibrejada annadièra de la vila de Cèus e del felibrige parisenc :
Divendres 30 de mai al ser : espectacle al Théatre des Gémeaux ;
Dissabte 31 de mai : l’aprèp-dinnada : collòqui mistralenc : Mistral a París en 1884 ;
Dimanche 1 de junh : a partir de 9h15 : messa en occitan celebrada per l’abat majoral Jòrdi Passerat ; ceremònia al jardin dels Felibres en preséncia del Capolièr del Felibritge, Jacques Mouttet ; passacarrièra ; vin d’onor e remesa de medalhas de Florian ; repais ; espectacle amb le grop del Martegue La Capoulièro ; romievatge subre las tombas de Josèp Loubet, refondator dels Amics de la lenga d’Òc e de Leon Ancelly.
