Lo dimars 2 de decembre de 2025 un vintenat de personas se son amassadas al Cafè de las Flors a Alès a l'iniciativa de l'IEO 30 per far viure la lenga.
Pendent doas oras, monds venguts d'Alès de segur, mas tanben de Nimes, Andusa e d'endacòm mai an escambiat sus lor rapòrt a la lenga occitana. Los escambis se faguèron en occitan.
De veire aital la lenga tornar trobar un usatge public èra una de las ambicions dels organizators e agradèt fòrça als participants.
Davant lo succès de l'eveniment e a la demanda dels presents, l'IEO 30 après aver mercejat los participants e la còla del Cafè de las Flors que los aculhiguèt amistosament, informa dins sa comunicacion qu'un autre encontre serà organizat.
Un autre cafè òc se debanarà lo dimars 13 de genièr de 2026.
