L'Ostau dau País Marselhés comunica :
La rintrada de l’Ostau dau País Marselhés se farà, aquesta annada, sota la proteccion de la luna e dei tubadas de l’encensier (romaniu).
Lo 16 de setembre serà nuech de luna plena e eclipsada tanben. Alegoria poderosa ! L’astre daurat e entier se velarà a 20h54 e se desvelarà a 22h54. Per acompanhar aquesta velada-desvelada e balhar a aquesta annada novela un vam positiu, se cremarà de romaniu, vielh encens deis ancians chamans de la Santa-Bauma. Sei tubadas seràn alargadas a la luna, au locau, a vautrei !
- Seràn presents leis intervenents que prepausa l’Ostau : cors de lenga occitana (provençau), cant marselhés, cant e tamborins de Sicília, dança curda, cant e tamborin de l'ocean indian, cant e tamborin de Cabilia...
- Se farà la presentacion de la programacion dau promier trimestre.
- S’escotarà de musica segon la benvolença e lo gaubi dei cambaradas musicaire-intervenents : Manu Théron, Jagdish Kinoo, Audrey Peinado, Nadia Ammour, Bayram Varsak, Maura Guerrera, Shadi Fathi... e de sospresas !
- Se manjarà de bònei cauvas (ratatolha de l'Ostau).
- Se beurà de vin, de cervesa, de suc.
