28/11/16 - L'IEO comunica - En 2016, leis subvencions per l’IEO tant de l’Estat coma dei collectivitats territorialas, dau fach de la reforma territoriala, an baissat. Son ansin 30 000 €, siegue 25 % deis subvencions balhadas a l’associacion que mancan : arrèst de la subvencion deis regions Auvèrnhe (non compensada) e Provença-Aups-Còsta d’Azur, e baissa de 33 % de l’ajuda de l’Estat (DGLFLF).
La capacitat de l’associacion a mobilizar per lei revindicacions de reconoissença de la lenga s’en tròban afeblidas.
Promòure e coordonar de projèctes capitaus per l’avenidor de la lenga, sa transmission renovada, un ensenhament ais adultes de qualitat, de centres de ressorça, sa toponimia… demanda de mejans financiers. L’IEO deu poder contunhar d’òbrar per la lenga e la cultura occitanas, coma actor e operator de terren, e mai coma interlocutor responsable per lei politicas publicas tant au nivèu de l’Estat coma de l’ensems deis collectivitats.
Adonc, se volètz ajudar l’IEO, es temps encara de mandar vòstra dona de sosten a l’associacion per 2016 (avans lo 31 de decembre 2016), per chèc au sèti de l’IEO.
Per ajudar l'IEO e cargar lo bilhet de donacion, clicatz [aicí]
*
Mapa de las implancacions de L'IEO (2016)
sedença e seccions regionalas e departamentalas
