Los elegits de la region Occitània an votat lo dijòus 17 de decembre de 2020 en assemblada, sota la presidéncia de Carole Delga, lo budgèt de 2021 per la region e lo protocòl de prefiguracion del contracte Estat-Region 2021-2027.

Lo budgèt per 2021 es d'un pauc mai de 3 miliards d'èuros. Es en progression de 5,9 %. Comprend d'investiments massius per fin de sosténer l'activitat economica borrolada per la crisi sanitària que tustèt los territòris occitans en 2020.

Un budgèt magrinèl, la region essent governadas en màger part per París.

« Un budgèt aquò's primièr la traduccion d'actes politics, de prioritats. Las nòstras son d'aparar la populacion tant fàcia als riscs sanitaris, socials e economics qu'als cambiaments climatics. Pr'aquò nòstre budgèt deu tanben permetre l'investiment e la transformacion de nòstre modèl de desvolopament. Es uèi necessari de profechar de las dificultats per pausar las fondamentas d'un nòu modèl mai just e mai respectuós de l'environament. Podèm pas contunhar de degalhar la planeta coma o fasèm e podèm pas, tanpauc, contunhar d'acceptar las inegalitats de riquessa ! Dins nòstre region, cadun deu trobar la siá plaça. Las espòvas son fachas per èsser superadas, es per aquò qu'aqueste budgèt pòrta espèr. Es encara temps d'agir, cal far pròva de volontarisme politic ! »* declarèt Carole Delga.

Ligam site de la region

budgèt region occitània 2021

Infografia propausada per la region sul budgèt de 2021

* La traduccion occitana es de occitanparis.com